Fjallvegahlaup

Þessi vefsíða og aðrar henni tengdar hafa að geyma upplýsingar um fjallvegahlaupaverkefni Stefáns Gíslasonar. Verkefnið og vefsíðan eru einkaframtak, sem stofnað var til í tilefni af fimmtugsafmæli höfundar 18. mars 2007 í þríþættum tilgangi:

     1. Að halda sér í formi á sextugsaldrinum
     2. Að kynnast landinu sínu
     3. Að vekja áhuga annarra á útivist og hreyfingu

Verkefnið felst í því að hlaupa yfir 50 fjallvegi á 5-10 árum, einn eða enn frekar í góðra vina hópi. Fjallvegur í þessu sambandi

     + er a.m.k. 9 km að lengd
     + tengir saman tvö byggðarlög eða áhugaverða staði
     + er gjarnan forn göngu- eða reiðleið
     + má vera fáfarinn bílvegur t.d F-vegur

Eins og sjá má er þessi vefsíða hluti af vef umhverfisráðgjafarfyrirtækisins UMÍS ehf. Environice. Þessi tilhögun er til bráðabirgða. Í fyllingu tímans verður opnuð sjálfstæð vefsíða um verkefnið. Slóðin verður þó áfram sú sama, þ.e.a.s. www.fjallvegahlaup.is.